Shugaban yan bindiga ya gargadi mutane da kar su zabi jam'iyyar APC a zabe mai zuwa.

-
Ana iya jin muryar shugaban ‘yan bindigar a cikin wani faifan sauti da aka nada daga wata wayar tarho da suka yi tsakaninsa da shugaban wata kungiyar masu siyar da kayan waya daga Zamfara a lokacin da suke ciniki a kan kudin fansa domin a sako mambobin kungiyar da yawansu ya kai ashirin da tara wanda ‘yan bindigar suka yi garkuwa da su.  

 Shugaban ‘yan bindigar ya bukaci al’ummar garin Zamfar da su zabi sanata Kabiru Marafa, saboda sun amince cewa zai iya kawo karshen matsalar tsaro a jihar.

Ya kuma nuna rashin jin dadinsa game da sauya shekar da Gwamna mai ci Bello Muhammad Matawalle yayi zuwa jam'iyar APC a matsayin nakasa harkar siyasar sa.

Muryar wanda shugaban ‘yan kasuwar ya nada mai suna Vice(lakabi) ya dauki tsawon mintuna goma. yayin cinikin fansa na ganin an sako matasan ‘yan kasuwa ishirin da tara.

 ‘Yan bindiga sun yi garkuwa da dubban mutane a jihohin Zamfara da Sokoto da Katsina da kuma Kaduna da ke yankin Arewa maso yammacin Najeriya inda daga cikin dukkan jihohi shida na yankin jam’iyyar adawa na mulkin a Sakkwato ne kawai.

 Saurari sauti: https://m.facebook.com/story.php?story_fbid=5277551318955168&id=100001010576116

Comments

Post a Comment

Popular posts from this blog

YANKAN KAI- matashi ya yanke kan dansa domin neman kudi.

-
Image
Rundunar ‘yan sandan jihar Delta ta kama wani matashi mai suna Gabriel Volts mai shekaru 33 da haihuwa wanda ake zargi da yanke kan dansa domin yin tsafi.   Wanda ake zargin ya yi amfani da zarton hannu wajen yanke kan dan nasa dan shekara daya da wata takwas a wani daji dake Etinabobo na jihar Edo. Ya aikata hakan ne domin gudanar da tsafi tare da binne shi a kusa da bishiyar kwakwa. Yanka kai domin gudanar da tsafe-tsafen neman kudi/dukiya ko mulki yana cigaba da yawaita a yankin kudu na Nigeria, musamman a jihar Edo da ke yankin kudu maso kudu.
Read more

Banyi nadamar kashe iyayena ba domin na kashesune sabida kaunar manzon Allah a cewar mawakin tijjaniyyah

-
Image
  Munkaila Ahmadu,dan karamar hukumar Gagarawa ta jihar Jigawa,  ya bayyana cewa ya kashe iyayensa ne  saboda kalaman batanci da sukayi ga Annabi Muhammad (S.A.W) A cewar Munkaila, mawaki kuma dan kungiyar Tijjaniyya. 'Yan darikar iyayensa suna zaginsa suna kiransa da mahaukaci suna adawa da kasancewarsa mawakin yabon Annabi.  A ranar Alhamis ne 'yan sanda suka kama matashin Munkaila mai shekaru 37 bayan ya kashe iyayensa tare da raunata wasu mutum biyu.  Ya yi amfani da tabarya wajen kashe mahaifinsa, Ahmad Muhammad mai shekaru 70, wanda shi ne hakimin kauyen Zarada da ke gundumar Gagarawa, da mahaifiyarsa  Hauwa'u, mai shekara 60. Ahmadu, a cikin fefen Bidiyon da aka nada a hannun ‘yan sanda, ya ce bai yi nadamar abin da ya aikata ba domin an umarce shi da ya yi hakan. Sun kasance ba su kaunar Annabi Muhammadu (S.W.A). Shiyasa na kashe su, sun zagin Annabi kuma hukuncinsu kisa ne, babu tuba ga duk wanda ya zagi Annabi. Ni mawakin yabon Annabi ne, bana nayi nufin in yi vid
Read more

Zamu afkawa kasar Nijer da zarar an bamu izinin hakan a cewar General Musa.

-
Image
Babban hafsan sojojin Nigeria ya bayyana cewa a shirye suke da su afkawa sojojin kasar Nijer da zarar an basu izinin yin hakan. "A shirye muke da mu afka wa sojojin Nijer da zarar an umarce mu da yin hakan. Kuma muna da tabbacin samun nasara. Ba za mu bari masu juyin mulkin su sami nasara ba. Muna da tabbacin masu juyin mulkin da magoya bayansu sun san cewa abinda suke kokarin cin mawa ba mai yuwua bane. Domin zamuyi nasara a kansu" a cewar General Christopha Musa. Kasar Nijer dai tana fuskantar barazanar fadawa cikin yaki tsakaninta da kungiyar ECOWAS wanda kasashe goma zasu shiga tare da tallafin kasar Faransa. Yayin da a daya gefen Nijar zata samu tallafin soji daga kasashen Mali, Burkina Faso da kuma Guinea Conakry masu samun tallafin soji daga kasar Rasha.
Read more