kungiyar kiristicin Arewa taje fadar shugaban kasa kuma tayi barazanar daukar mataki abisa cin mutuncita na daukar musulmi a matsayin mataimaki shugaban kasa.

-
A ranar Juma’ar da ta gabata ne wasu Kiristoci sukayi takanas ta kano cikin motocin safa daga jihohin Arewa 19 suka inda suka taru a Abuja domin nuna rashin amincewarsu da takarar shugabancin kasa a karkashin jam’iyyar APC, wanda Asiwaju Bola Tinubu, ya zabi Musulmi a matsayin mataimakinsaq.

 Masu zanga-zangar sun yi tattaki zuwa fadar shugaban kasa domin gabatar da takardar zanga-zangar a yayin da suke kururuwar wakokin hadin kai karkashin tutar daukacin al’ummar Kiristocin Arewacin Najeriya.

 Labarin ya zo ne kwanaki biyu bayan da wasu gungun matasan Kiristocin Arewa suka gudanar da zanga-zangar nuna adawa da zaben tikitin takarar shugaban kasa na jam’iyyar APC mai Musulmi da Musulmi a babban zaben 2023.

 Kungiyar wacce ta kunshi matasa Kiristocin APC daga jihohin Arewa 19, ta yi rantsuwar cewa mambobinta ba za su yi wa jam'iyyar yakin neman zabe ba.

 Yayin da yake ikirarin cewa Asiwaju Bola Tinubu, dan takarar shugaban kasa na jam’iyyar APC ya ci amanar ‘yan Najeriya inda ya zabi Kashim Shettima, tsohon gwamnan jihar Borno a matsayin abokin takararsa.  Kungiyar ta bayyana matakin a matsayin cin mutunci ga Kiristocin Arewa.

 Moses Adams wanda shi ne ya shirya zanga-zangar arewa, ya zanta da manema labarai a Abuja ranar Juma’a, inda ya bayyana damuwarsa kan yadda  ake nuna wa kiristoci saniyar ware.

 Kamar yadda ka sani, Najeriya kasa ce mai kabilu da addinai daban-daban.  Musulunci da Kiristanci sune manyan addinai a cikin al'umma.  Kuma tun lokacin da al’ummar kasa suka sami ‘yancin kai a shekarar 1960,  salon rayuwarmu ya nuna kokarin mu na tabbatar da daidaito a shugabancin al'umma, gwamnatocin da suka shude a kasar sun amince da tsarin addinai daban-daban na al'ummar kasar, musamman a lokacin zabe.  Don haka, mun ga abin mamaki ne yadda jam’iyyar APC ta zabi dan takararta na mataimakin shugaban kasa a zaben 2023 ba tare da yin la’akari da al’ummar Kirista ba.  Babu shakka, wannan ba abin amincewa ba ne kuma hanya ce ta haifar da baraka tsakanin Musulmi da Kiristan Nigeria.

 Musa ya yyli anfani da damar ya mika wasikar zanga-zangar da kungiyarsa ta aika wa shugaban kasa, Manjo Janar Muhammadu Buhari (mai ritaya).

 Ya yi ikirarin cewa zabin da Tinubu ya yi na zabar Shettima a matsayin mataimaki bai dace da ra'ayin al’ummar kasa ba a wannan lokaci mai muhimmanci a tarihin kasarmu.

 Wani bangare na wasikar ta ce, "Mai girma shugaban kasa, tun lokacin da aka dawo da mulkin dimokuradiyya a Najeriya a shekarar 1999, al'ada ce ga dukkan jam'iyyun siyasa su hada Musulmi da Kirista ko Kirista da Musulmi."  Kuma hakan ya taimaka matuka wajen wanzar da hadin kan addinai a cikin al'umma.

 To sai dai matakin da jam’iyyarmu ta dauka na goyon bayan tikitin tsayawa takara tsakanin musulmi da musulmi, shi ne kololuwar kiyayyar da aka nuna wa kiristoci a cikin al’ummarmu da kuma rashin mutuntawa matuka.  Ya ci gaba da cewa hakan na zuwa ne bayan da wasu kungiyoyin shugabannin jam’iyyun siyasa suka kiyaye tare da la'akari da addinai kamin suyi nasu zabin.

 Mu Kiristocin Arewacin Najeriya, mun ji takaici, mun kuma fusata da wannan rashin adalci, ya mai girma shugaban kasa.  Abubuwan da APC ta yi na nuna cewa Kiristoci ba su da anfanin komai a cikin babban al’ummarmu.  Jam’iyyar APC ta kuma nuna rashin mutunta addini, wanda idan ba a yi maganinsa ba a kokarin tabbatar da zaman lafiya da kwanciyar hankali, to a karshe zai haifar da rikicin addini a cikin al’umma.

 Muna amfani da wannan kafar domin yin kira ga ofishinka mai girma da ka sa baki wajen ganin an soke wanan zabi da dan takarar shugaban kasa na jam’iyyar ya yi.  “A matsayinmu na masu ruwa da tsaki a jam’iyyar APC, mun san cewa akwai kiristoci masu kishin kasa a jam’iyyar APC daga Arewacin Najeriya da sauran sassan kasar nan wadanda suka sadaukar da kai kuma suna da kwazon da suka cancanta abasu damar tsayawa takarar mataimakin shugaban kasa, muna bukatar ka gaggauta umurtar dan takarar shugaban kasa na jam'iyyar da ya gaggauta sauya matakin nasa na daukar musulmi.

Comments

Post a Comment

Popular posts from this blog

YANKAN KAI- matashi ya yanke kan dansa domin neman kudi.

-
Image
Rundunar ‘yan sandan jihar Delta ta kama wani matashi mai suna Gabriel Volts mai shekaru 33 da haihuwa wanda ake zargi da yanke kan dansa domin yin tsafi.   Wanda ake zargin ya yi amfani da zarton hannu wajen yanke kan dan nasa dan shekara daya da wata takwas a wani daji dake Etinabobo na jihar Edo. Ya aikata hakan ne domin gudanar da tsafi tare da binne shi a kusa da bishiyar kwakwa. Yanka kai domin gudanar da tsafe-tsafen neman kudi/dukiya ko mulki yana cigaba da yawaita a yankin kudu na Nigeria, musamman a jihar Edo da ke yankin kudu maso kudu.
Read more

Banyi nadamar kashe iyayena ba domin na kashesune sabida kaunar manzon Allah a cewar mawakin tijjaniyyah

-
Image
  Munkaila Ahmadu,dan karamar hukumar Gagarawa ta jihar Jigawa,  ya bayyana cewa ya kashe iyayensa ne  saboda kalaman batanci da sukayi ga Annabi Muhammad (S.A.W) A cewar Munkaila, mawaki kuma dan kungiyar Tijjaniyya. 'Yan darikar iyayensa suna zaginsa suna kiransa da mahaukaci suna adawa da kasancewarsa mawakin yabon Annabi.  A ranar Alhamis ne 'yan sanda suka kama matashin Munkaila mai shekaru 37 bayan ya kashe iyayensa tare da raunata wasu mutum biyu.  Ya yi amfani da tabarya wajen kashe mahaifinsa, Ahmad Muhammad mai shekaru 70, wanda shi ne hakimin kauyen Zarada da ke gundumar Gagarawa, da mahaifiyarsa  Hauwa'u, mai shekara 60. Ahmadu, a cikin fefen Bidiyon da aka nada a hannun ‘yan sanda, ya ce bai yi nadamar abin da ya aikata ba domin an umarce shi da ya yi hakan. Sun kasance ba su kaunar Annabi Muhammadu (S.W.A). Shiyasa na kashe su, sun zagin Annabi kuma hukuncinsu kisa ne, babu tuba ga duk wanda ya zagi Annabi. Ni mawakin yabon Annabi ne, bana nayi nufin in yi vid
Read more

Zamu afkawa kasar Nijer da zarar an bamu izinin hakan a cewar General Musa.

-
Image
Babban hafsan sojojin Nigeria ya bayyana cewa a shirye suke da su afkawa sojojin kasar Nijer da zarar an basu izinin yin hakan. "A shirye muke da mu afka wa sojojin Nijer da zarar an umarce mu da yin hakan. Kuma muna da tabbacin samun nasara. Ba za mu bari masu juyin mulkin su sami nasara ba. Muna da tabbacin masu juyin mulkin da magoya bayansu sun san cewa abinda suke kokarin cin mawa ba mai yuwua bane. Domin zamuyi nasara a kansu" a cewar General Christopha Musa. Kasar Nijer dai tana fuskantar barazanar fadawa cikin yaki tsakaninta da kungiyar ECOWAS wanda kasashe goma zasu shiga tare da tallafin kasar Faransa. Yayin da a daya gefen Nijar zata samu tallafin soji daga kasashen Mali, Burkina Faso da kuma Guinea Conakry masu samun tallafin soji daga kasar Rasha.
Read more